کربلا ده اوت یاغیردی ، ظلم اولوب بر پا سوسوز
دشت سرتاسر عزا دوتموش ، جوان نا کام اولور
اکبری میدانه یوللور ، مادری لیلا سوسوز
شاه دین میداندا تکدور ، باندروب گون لبلرین
ظهر عاشورا دوروبدور ، حضرت والا سوسوز
دیل سوسوز، لبلر سوسوز ، اصغر سوسوز ، اکبر سوسوز
مشکینه اوخ دیمیشیدور، یاحسین ، سقا سوسور
هر طرفدن قان توکوللر دشمن ایمان و دین
خیمه گهاین عرصه سی، پنهان ایله پیدا سوسوز
عشق جولان ایلیور بو دشت قربانگاهیده
کام آلیر روز وصالی ، عاشق شیدا سوسوز
سانگی پرواز ایلیور پروانه، شمع اطرافینه
گول سوسوز ، بولبول سو سوز ، خنیگر شیدا سوسوز
معرفت کانی، گئدیبدیر ، سو گتیرسین مشکده
عاقبت اولدی شهید، اما ، لب دریا سوسوز
تک دوروب میداندا گویا کی اناالحق سسلیور
پور حیدر ، زاد زهرا ، تک قالان مولا سو سوز
کربلا دشتینده گویا لاله بیتمیشدیر بو گون
قان یاییلمیشدیر بوتون سرتاسر صحرا سوسوز
تک گئدیب میدانه قورخوتموش اوتوز مین لشگری
یوخدی قدرت قوللاریندا ، آه و واویلا سوسوز
سو مگر مهریه ء. زهرا دگیر، آیا نیه؟
اولدی بو دشت بلا دا زادهءزهرا سوسوز
یاندریب گول کربلا دشتین، تیکان گول اودلانیب
آت سو سوز میدتن سو سوز ، دنیا و مافی‌ها سو سوز
قاسمبکلو
التماس دعا